बागला रे बारे दे

अर्की पाह्ड़ा री राणी बागल राज्य री राजधानी थी, जेतरी निऊ पंवर राजपुत राणा अजय देवे राखी थी। एती राज्य री निऊ सन् १६४३ रे तकरीबन राखी गयी थी और १६५० दे राणा सभा चन्दे अर्कीया खे बागल राज्य री राजधानी बनाणे री घोषणा करी ती। अर्की कीला ओटलो दे बदली गा और ये कूमणे-फिरने खे बी अच्छी जगअ ए।  

अर्कीया रा किला राणा पृथ्वी सिंहे, जो सभा चंदो रे कुलो रा था, १८०० और १८०५ रे बीचे बणाया गया था। सन् १८०६ दे राणा जगत सिंहो पांदे और बागला पांदे गोरखेया कब्जा करी ला और राणा जगत सिंहो खे नालागढ़ो खे नठणा पड़ेया।

बगोलो रे बारे दे

अर्की हिमालय पर्वतो री शिवालीक रेंजा दे स्थित ए। इजी री बजअ ते गर्मिया दे तापमान २६ और ३२ डीग्री सेल्सियस रे बीचे रओआ, जेती की गर्मिया रे दिना दे बऊत चैन मिलोआ। ठण्डी रे दिना दे ४ और ८ डीग्री सेल्सियसा रे बीचे तापमान रओआ। बर्खा उदार ए और जुलाई-अगस्त मीन्ने दे जादा ओई।

सायरी रा मेळा

सायरी रा मेळा साड़ मीन्ने री(१६/१७ सितम्बर) साजिया खे हर साल दो दिन तक अर्कीया दे मनाया जाओआ। ये मेळा मैसे री लड़ाईया खे मशुर ए। तेथो रे लोक लड़ाईया खे आपणे मैसे खे प्रशिक्षण देओए। मेळे दे हर साल ह्जार लोक आओए। एती मेळे दे राथियो खे कार्यक्रम देखणे जोगा ओआ। अर्कीया दे आए रे लोक इजी रा बऊत मजा लओए।